Chhura te boruakah an thlawk

Hmanlai hian nikhat chu Chhura leh Naa te chuan an khaw bul hnaia Sakawr thlawk thei awm thu an lo hre ve a. Chu ramsa mak tak mai chu man zai an rel a, an awmna nia an sawi ramhnuai lam chu panin man ngei turin tlangchhip lam an pan a. An saker thlawkthei zawn chu kar lovah chuan an va hmu ta mai a, a ruktea pan hnaiin thawm dim thei ang berin an hmalamah an kal zel a. Sakawr thlawkthei awmna lai chu an thleng tep tawh tihah chuan chu Sakawr chu thlawkchhuak tura inpuahchahin a lo thlawk tan dawn der mai a.

Vanneihthlak tak maiin chutia a thlawkchhuak tur chu Chhura chuana ke hnung pahnihah a va man hman a. Naa chuan man ve hman hek lo le, Chhura kawngah a uai hman ve hram a. Chutichung chuan sakawr thlawkthei chuan a thlawhpui zel a, tlangsang tak bulah te an thlawkkual a.

Hun engemawti chen hnuah chuan Chhura ban chu a lo kham ta em em mai a. Naa chuan a kawngah a chelh tlat bawk avangin han pawh a hah hle tawh a ni. Naa chu Sakawr ke a in uai tang ve tur leh a tanhmun siamtha tur chuan Chhura chuan a nawr ta chhen a. A kawng a na a, a ban a kham tawh bawk si avangin a mangang a.

Nimahsela, Naa chuan chutia vansanga an thlawh laia Sakawr ke pakhat han dawm thar leh chu thil tih theih niin a hre si lova Chhura hnenah chuan, 'Lo tuar hram hram teh, tanhmun sawn theih anih tawh hrih loh hi,' a ti a. Nahaia chuan Sakawr ke-a uai ai chuan Chhura kawnga uai chu a duhzawk vang mai a ni si a. Mahse chu chuan Chhura chu a tihah em em a ni.

Chhura chuan Nahaia chu ama kawnga uai lova Sakawr ke man tur chuan a ngen leh thin a, mahse Nahaia chuan vansanga thlawh laia tanhmun inthlak chu tihtih theih a ni lo, tiin a tang ve tlat a.

Nimahsela, Chhura chuan sakawr ke pakhat dawma uai ve tur chuan a ngen leh thin a, chutichung pawh chuan Nahaia chuan an pahniha an him theih nan tang fan fan turin a ngen a. Chhura chu a hah tawngkhawng tawh ni ngei tur a ni, chutia Nahaia'n a hnial zel chu a lawm lo bawk nen. Tichuan, eng khaw dang sawi set set tawh lovin Chhura chuan tihtur dang nei tawh chuang lovah inngaiin a sakawr ke dawm lai chu a thlah ta mai a, van boruak atang chuan an tla dun ta a ni.

Tichuan, Chhura leh Nahaia chu vansang atanga tla thlain, thingbuk an zuk delh a, chumi hnuah chuan a hnuaia lungpuiah chuan an insawhthla leh ta bawp a. Mi tam tak sawi thin dan chuan hetia, sakawr thlawkthei atanga an tlak avang hian Chhura leh Naa hi an thi ta niin an sawi thin a. Chu chu Chhura thih dan an sawi pakhat chu a ni ve ta fo a ni.