Chhura chengkek lo

Nikhat chu Chhura hian Chengkek hmin tha deuh mai a hmu a, a ei chak hle mai a. A kung chu a han en a, lawnna tham a ni meuhvin a hre si lo, lawn ngeia lawh tur emaw a ti bawk si a. Chutia a lawn theih si loh avang chuan chengkek hmin chu lo thei lovah a inngai a, mahse chu thei chu a ei chak bawk si.

Nikhat chu Chengkek kung awmna bulah chuan a lokal leh a, a rah chu mawi a ti a, ei a chak em em bawk a, a chil a put nasa hle tawh a. Chengkek rahbawr tup kung bulah chuan a ding a, awlsamtea han lawn theih mai a ni a. Amaherawhchu ngaihtuah dan dang a nei miau si a kunga lawn lova han ban mai chu dik theiin a hre lova.

Chengkek kung hi thing pangngai ang anih loh avangin han lawn vak chi a ni lova, mihring pawh a zo hek lovang. Chutiang anih avang chuan alawm Chhura chuan a lawn duh loh ni.

Tichuan, chengkek zar chu a pawt kur duai duai thin a. Chutia a kawihkur dulh dulh lai chuan, 'Nahaia chu nise heti hian a ti mai tur,' a ti a, a ban zoh zoh thin a. Mahse a hmaa thei awma chu a ei chuang lo.

'Nahaia chu nisela heti hian a ti mai tur,' a ti leh thin a. Chengkek zar chu a kuai kur dur dur thin a, a hmin te chu a khawih a khawih a, mahse lo ta lo chuan a thlah leh daih thin a ni an tia lawm. A kunga lawn ngeia a lawh theih si loh avangin ei chak rilru takin a kalsan ta ngawt e an tia lawm!